Friday, July 26, 2013

ஆண்ட்ராய்டு கைப்பேசிகளில் தமிழில் தட்டச்சுவது எப்படி?

கைப்பேசிகளில் தமிழில் தட்டச்சுவது ஓரளவிற்கு பிரபலமடைந்து வந்தாலும், இன்னமும், ஆண்ட்ராய்டு கைப்பேசி பயன்படுத்தும் நண்பர்கள் சிலர் இதில் தடுமாற்றத்தோடு இருப்பதைக் காணமுடிகிறது. பலருக்கு எப்படி 'ஆண்ட்ராய்டு கைப்பேசிகளில் தமிழில் (இணைய இணைப்பு இல்லாமலேயே) தட்டச்சுவது?' என்பது தெரியாமலே இருக்கின்றது!

இதை விளக்குவதற்காகத்தான் இந்த இடுகை. முடிந்தவரையில் எளிமையாக, படிப்படியாக விளக்க முயன்றிருக்கிறேன். இந்த வழிமுறைகளை உங்கள் கைப்பேசிகளில் பயன்படுத்த ஆண்ட்ராய்டு 4.X.X பதிப்பு இருக்க வேண்டும். இதற்கும் முந்தைய ஆண்ட்ராய்டு பதிப்பு எனில்,  தமிழ் மொழியை காட்டுவதற்கான வசதியை அந்த கைப்பேசி தயாரிப்பாளரே ஆண்ட்ராய்டில் நிறுவியிருக்க வேண்டும் அல்லது ரூட்(Root) என்கிற முறையில் சில சித்து வேலைகளை நாமே செய்ய வேண்டும் (இதுபற்றிய தொழில்நுட்ப அறிவு எனக்கு இல்லை, எனவே ஆண்ட்ராய்டு 4.X.X க்கு முந்தைய பதிப்புகளில் தமிழில் தட்டச்சுவது எப்படி? என்பது  இந்த இடுகையில் விளக்கப்படவில்லை).


ஆண்ட்ராய்டு கைப்பேசிகளில் தமிழில் தட்டச்சுவது எப்படி?

1) ''கூகிள் ப்ளே'' சென்று "Tamilvisai" தரவிறக்கம் செய்து நிறுவவும்.

2) ''செட்டிங்க்ஸ்''-> ல் ''லேங்குவேச் அண்ட் இன்புட்'' செல்லவும் (Settings->Language and input)

3) ''தமிழ்விசை''(TamilVisai)-ஐ தேர்வு செய்யவும்

 4) தட்டச்சு(Type) செய்ய வேண்டிய இடத்திற்கு/பக்கத்திற்குச் செல்லவும் - புதிய குறுஞ்செய்தி(SMS) அல்லது மின்னஞ்சல்(E-Mail) தட்டச்சும் பக்கம் அல்லது இணைய உலவி(Browser)யின் பக்கம்.

5) ''நோட்டிஃபிகேசன்''(Notification Bar) பாரை கீழிறக்கி, ''சூசு இன்புட் மெத்தட்(Choose Input Method)'' ஐ கிளிக் செய்யவும்.

 6) ''தமிழ்விசை'' (TamilVisai) ஐ தேர்வு செய்யவும்

7) கீபோர்டில் தெரியும் ''த'' என்கிற நீல நிற விசையை அழுத்தவும்

8) தேவையான ''தட்டச்சு முறை''யைத் தேர்வு செய்யவும்
 குறிப்பு: 'ங்' விற்கு பதில் 'ஞ' என தவறாக மூன்றாவது வரிசையில் கொடுக்கப்பட்டிருக்கிறது.

 9) இப்போது தமிழில் விசைகளை அழுத்தி தட்டச்சவும். உங்களுக்குப் பிடித்த தட்டச்சு முறையில் தமிழில் எழுதலாம். கீழே இருக்கும் படத்தில் நீங்கள் பார்ப்பது ''தமிழ் 99'' முறையிலான விசைகள்.

இப்போது எங்கும் தமிழ்..


 


ஆண்ட்ராய்டில் தமிழில் தட்டச்சுவது பற்றி கூகிளிடம் கேட்டால், 
இந்தப் பதில் கிடைத்தது. இதையும் படிக்கவும்.
http://www.bloggernanban.com/2013/01/read-write-in-tamil-on-android.html

3 comments :

இரண்டாம் பராந்தக சோழன் said...

தமிழ் விசையை விட செல்லினம் சிறப்பானது....

வால்பையன் said...

செல்கான் சிடி 2 ல் தமிழ்விசை டவுன்லோடு பண்ண முடியல தல!

sankaramoorthi said...

செல்லினம் புதிய பதிப்புகளில் இயங்காது
google tamil போல் k m tamil unicode நன்றாக வேலை செய்கிறது sms mms chat என அனைத்து வேலைகளையும் பண்ணுகிறது cnv என்று ஒரு விசைபலகை இணைத்து உள்ளார்கள் அதை அமுக்கினால் தமிழ் எழுத்து பிரசவிக்கும்